Komuna e Skenderajt dhe Ministria e Infrastrukturës nënshkruan Memorandum Mirëkuptimi për financimin e projekteve të infrastrukturës

20/05/2016 Institucionet

Nënkryetari i Komunës së Skenderaj Fadil Nura dhe Ministri i Infrastrukturës Lutfi Zharku, kanë nënshkruar Memorandumin e Mirëkuptimi për bashkëfinancimin e projekteve të infrastrukturës.  Ky memorandum ka të bëjë me financimin e disa projekteve të ndërtimit të rrugëve në Komunën e Skenderajt gjatë vitit 2016 dhe fillimit të vitit 2017.

Memorandumi për financim të projekteve të infrastrukturës në Komunën e Skenderajt përfshinë këto projekte: Asfaltimi i rrugës që lidhë fshatrat Rezallë-Abri-Likoc, faza e dytë (zgjerimi);  Ndërtimi i rrugës Morinë-Kryshec;  Ndërtimi i rrugës që lidhë fshatin Klinë e Poshtme me fshatin Prekaz dhe Ndërtimi i rrugës Prekaz-Mikushnicë-Gofile. Projektet që janë objekt i memorandumit janë projekte prioritare të Komunës së Skenderaj dhe paraqesin rëndësi të veçantë në të mirë të qytetarëve të zonave përkatëse.

Me anë të këtij Memorandumi të dyja palët janë pajtuar për mënyrën e financimit, projektimit dhe mbikëqyrjes gjatë fazës së realizmit të projekteve. Palët nënshkruese, po ashtu kanë marrë obligimet e tyre karshi këtij dokumenti të nënshkruar.

Më rastin e nënshkrimit të këtij Memorandumi, Nënkryetari i Komunës së Skenderajt ka shprehur falënderimin e tij për bashkëpunimin e realizuar me Ministrinë e Infrastrukturës në fushën e infrastrukturës rrugore, bashkëpunim ky që ka qenë i frytshëm edhe në të kaluarën dhe pritet të jetë i tillë edhe në të ardhmen.

Kontrolloni gjithashtu

U mbajt mbledhja e parë e Këshillit Komunal për Siguri në Bashkësi për vitin 2026

Në Skenderaj u mbajt mbledhja e parë e Këshillit Komunal për Siguri në Bashkësi (KKSB), …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara