Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti shqiptar i kantonit të Bernit, Korab Rashiti, ka lëshuar një paralajmërim të ashpër kundër qeverisë së Albin Kurtit, duke e cilësuar atë si “kërcënim serioz” për marrëdhëniet diplomatike dhe strategjike të Kosovës me Shtetet e Bashkuara të Amerikës dhe Bashkimin Evropian. Rashiti tha se një kurs i tillë politik përbën “rrezik madhor për sigurinë” e vendit, ndërsa shprehu bindjen se krizat do të thellohen nëse qeverisja vazhdon në këtë formë. “Qysh prej ditës së parë dhe prej deklaratës sime të parë politike në Kosovë, kam thënë se qeveria e LV-së paraqet një kërcënim serioz për marrëdhëniet diplomatike dhe strategjike me Shtetet e Bashkuara të Amerikës dhe Bashkimin Evropian, dhe se kjo nënkupton një rrezik madhor për sigurinë. Natyrisht, rreziku më i madh mbetet në çdo rast edhe politikat ekonomike krejtësisht katastrofale”, ka shkruar ai. Sipas Rashitit, bllokada aktuale politike është vetëm “pararendje” e krizave edhe më të thella që priten në të ardhmen. Ai ka bërë thirrje për një front të gjerë opozitar që do të ofronte një alternativë serioze për dekadën e ardhshme. “Me një qeveri të LVV-së krizat vetëm sa do të thellohen, ka deklaruar Korab Rashiti.
