Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova e Serbia nuk do të përfitojnë nga plani i Bashkimit Evropian për rritjen ekonomike në Ballkanin Perëndimor nëse nuk ka përparim konkret në procesin e normalizimit të raporteve ndërmjet tyre. Kjo është vlerësuar si një kusht shtesë nga Këshilli i BE-së pas miratimit të planit për rritje ekonomike në rajon, në vlerë prej 6 miliardë eurosh. Fondet e BE-së do të ndahen dy herë në vit, në bazë të kërkesave të shteteve në Ballkanin Perëndimor, pas verifikimit nga Komisioni Evropian dhe konfirmimit të përmbushjes së kritereve të stabilizimit makroekonomik dhe të qeverisjes së mirë financiare. Një kusht shtesë për Kosovën dhe Serbinë është angazhimi për normalizimin e raporteve, duke zbatuar plotësisht marrëveshjet e mëparshme dhe duke u përfshirë në negociata për një marrëveshje gjithëpërfshirëse. Megjithatë, vlerësimi individual për secilin vend do të bazohet në respektimin e kushteve specifike të BE-së për të përfituar nga Fondi për Rritje Ekonomike.
