Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Operatori i Sistemit, Transmisionit dhe Tregut të Kosovës ka bërë të ditur se Sistemi Elektro-Energjetik po përballet me ngarkesë të rritur, veçanërisht gjatë orëve të pikut, duke tejkaluar edhe rekordet e mëparshme të konsumit të energjisë elektrike. Sipas njoftimit, konsumi më i lartë shfaqet kryesisht në intervalet 09:00–12:00, 16:00–20:00 dhe 22:00–23:00. KOSTT u bën apel qytetarëve, institucioneve publike dhe bizneseve që të zhvendosin përdorimin e pajisjeve me konsum të lartë energjie jashtë këtyre orëve dhe të kontribuojnë për mbajtjen e furnizimit të qëndrueshëm. Apeli vlen veçanërisht për zonat e Rahovecit, Malishevës, Prizrenit, Sharrit, Gjilanit dhe Lipjanit. Njoftimi tregon një situatë të brishtë të menaxhimit të energjisë në vend dhe evidenton nevojën për planifikim më efikas të konsumit, për të shmangur ndërprerjet dhe mbingarkesat që mund të ndikojnë në gjithë sistemin elektro-energjetik.
