KQZ: PDK-ja rritet për një, LDK-ja bie në 14 ulëse

Derisa numërimi i votave nga zgjedhjet e 28 dhjetorit po shkon drejt fundit kjo ka sjellë ndryshim edhe në ulëset e partive politike që do të përfaqësohen në Kuvendin e Kosovës.

Partia Demokratike e Kosovës sipas përqindjes së votave ka arritur t’i marrë një ulëse Lidhjes Demokratike të Kosovës e cila fillimisht kishte të fituara 15 mandate, ndërsa tash ka rënë në 14. Ndërkohë PDK-ja ka siguruar 23 ulëse, sipas të dhënave të Komisionit Qendror të Zgjedhjeve.

Lëvizja Vetëvendosje si fituese e zgjedhjeve me mbi 50 % të votave, aktualisht figuron t’i ketë 57 ulëse, ndërkohë Aleanca për Armërinë e Kosovës ka siguruar 6 ulëse kuvendare në legjislaturën e dhjetë.

Deri tash mbi 70 për qind të votave me kusht janë numëruar në Qendrën e Numërimit dhe Rezultateve. Këto të dhëna janë pasqyruar në platformën elektronike të KQZ-së ku nga 57 vendvotime me kusht në nivel vendi, janë numëruar 41 prej tyre.

Pas numërimit të votave me kusht, do të nisë procesi i numërimit të votave të dhëna nga personat me nevoja të veçanta.

KQZ-ja ka paralajmëruar se rezultatet përfundimtare të zgjedhjeve të 28 dhjetorit pritet të shpallen para 19 janarit, afat që ata kishin paraparë më herët.