Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetar i Këshillit Kombëtar të Nismës Socialdemokrate, Jakup Krasniqi ka reaguar ndaj gjuhës së Vetëvendosjes të përdorura në reagimet e saj. Ish kryetari i Kuvendit të Kosovës në dy legjislatura, Jakup Krasniqi ka shkruar se gjuha e përdorur në opozitarizëm nuk duhet të përdoret edhe kur je në pushtet. “Të qeverisurit nuk behet me gjuhën e sharjeve të opozitarizmit e as me metodat e zjarrëvënieve, por me gjuhën e të qeverisurit me e për gjithë kombin (qytetarët), duke i pranuar edhe goditjet nga opozita, kur edhe ajo përdor armët që i ke përdorur duke qenë në opozitë. Për të mos ndodhur kjo, është mirë që drejtuesit e lartë të LVV-së t’i marrin punët më shtruar e më me gjakftohtësi e përgjegjësi. Qeverisja e mirë, është e mirë për çdo qytetar. Përndryshe, ne Socialdemokratet ekzistimin në opozitë nuk e kemi problem, qafën nuk ia afrojmë askujt. Qëndrimi vertikal, është tradita e jona! E kaluara është dëshmi” ka shkruar në mes tjerash ish kryetari i Kuvendit të Kosovës, Jakup Krasniqi.
