Kreu i komunës së Ferizajt viziton Bashkësinë Islame në Ferizaj, uron qytetarët në Festën e Kurban Bajramit

21/08/2018 Institucionet

Nënkryetari i Komunës së Ferizajt, Naim Ferati i shoqëruar edhe nga drejtorë të drejtorive komunale, ishin për vizitë në Këshillin e Bashkësisë Islame në Ferizaj, me rastin e Festës së Kurban Bajramit. Me këtë rast, nënkryetari Ferati në emër të Kryetarit të Ferizajt, Agim Aliu dhe institucionit të Komunës, uroi gjithë qytetarët ferizajas, besimtarët myslimanë në këtë ditë feste. “Sot jemi këtu me kolegët e qeverisjes komunale që të urojmë, në emër të institucionit që përfaqësojmë por edhe në emër të Kryetarit të Komunës, Agim Aliu, prirësit apo përfaqësuesit e Bashkësisë Islame, njëherit edhe gjithë bashkëqytetarët tanë dhe më gjerë të besimit islam, Festën e Kurban Bajramit, duke uruar dhe duke u lutur në të mirat, solidaritetin dhe harmoninë gjithëshqiptare kudo që jetojnë shqiptarët dhe ky është një moment feste, reflektimi për të gjithë ne që çdoherë e më shumë të ruajmë traditën tonë shqiptare, solidaritetin që të jemi pranë atyre njerëzve që kanë nevojë për mbështetje. Edhe njëherë më lejoni që në emër të të gjithë kolegëve të qeverisjes komunale dhe Kryetarit të Komunës, Agim Aliu, t’i uroj gjithë besimtarët islam duke i uruar çdo të mirë në jetë” tha nënkryetari i Ferizajt, Naim Ferati.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara