Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan, në Beograd, Kristofer Hill, ka publikuar një mesazh me rastin e zgjedhjeve në Serbi, në të cilin ka thënë se qeveria e ShBA-së pret vazhdimin e bashkëpunimit me Qeverinë e Serbisë për çështje me interes të përbashkët. Kjo, natyrisht, përfshin çështjet rajonale, por edhe dëshirën e Serbisë për t’u bërë plotësisht pjesë e familjes së kombeve perëndimore. Ambasadori Hill ka shtuar se Serbia duhet të arrijë shumë për të qenë e gatshme për këtë rrugëtim, e njëra prej tyre është sundimi i ligjit. Sipas tij, vëzhguesit ndërkombëtarë që ishin në Serbi kanë zbuluar disa mangësi në lidhje me këto zgjedhje dhe është e rëndësishme që Serbia të punojë me vëzhguesit për zgjidhjen e këtyre çështjeve. Hilli ka thënë se është e nevojshme që vendi të ketë një lloj qëndrueshmërie, që të mund të rikuperohet nga këto momente pas zgjedhjeve, kur pjesëmarrësit “nuk janë shumë të kënaqur me njëri-tjetrin.
