Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori Artan Nimani, në një analizë të tij mbi zhvillimet e fundit politike, vlerëson se rezultati elektoral i Partisë Demokratike të Kosovës nuk duhet interpretuar si një devijim i rastësishëm zgjedhor, por si shprehje e një krize të thellë menaxheriale dhe identitare që ka kohë që është duke u ndërtuar brenda kësaj partie. Sipas tij, në prizmin e mendimit politik modern, partitë politike funksionojnë si organizata komplekse, të cilat mbijetojnë vetëm përmes vendimmarrjes strategjike në kohë reale, ruajtjes së kapitalit simbolik dhe përshtatjes së vazhdueshme ndaj mjedisit politik. Çdo dështim për t’i përmbushur këto parime thelbësore, thekson Nimani, prodhon krizë strukturore dhe humbje të orientimit politik – realitet që sot po reflektohet qartazi në gjendjen e PDK-së.
