Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti ka deklaruar se dhuna në pjesën veriore të Kosovës ka ndodhur me urdhër nga Serbia. Gjatë fjalës së mbledhjes së 51 para Këshillit të Përgjithshëm të Vetëvendosjes, ai shtoi më tutje se nuk është kryeministër i shqiptarëve por i të gjithë qytetarëve të Kosovës. “Në ditët pas të hënës së 29 majit kemi pasur ditë të qeta, nuk mund të thuhet paqësore, por të qeta. Për këto dy javë, kishim 2 ditë e gjysmë dhunë, por ditët e tjera janë ditë të qeta. Ditë të qeta në veri janë ato ditë kur nuk ka urdhër për dhunë nga Beogradi. Nuk ka dhunë pa urdhër për dhunë. Kjo tregon raportin shkak-pasojë të gjendjes ku jemi. Më tej të gjithë ishim dëshmitar se si te trazirat në Zveçan, protestuesit ishin si milic e paramilitarë ndërsa policët dhe ushtarët ishin qytetarë. Por, asnjë gabim nga ana e organeve të sigurisë. Milic të dhunshëm si protestues qytetarë paqësorë si policë e si ushtarë. E paparë”, theksoi kryeministri Kurti para delegatëve të partisë Vetëvendosje.
