Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti vlerëson lart vizitat e realizuara gjatë qëndrimit në Greqi. Ai ka shkruar se në përmbyllje të “Forumit Ekonomik të Delfit” ka marrë pjesë në drekën e shtruar nga Kryeministri i Greqisë bashkë me homologët e Ballkanit “Biseduam për situatën në Ukrainë dhe për solidarizimin e mbështetjen për luftën çlirimtare të popullit ukrainas. Theksova që duhet të jemi syhapur karshi lidhjeve të gjera dhe të thella të Federatës Ruse dhe Serbisë dhe rrezikun që paraqesin për destabilizimin e rajonit. Për paqen dhe stabilitetin afatgjatë është i domosdoshëm integrimi sa më i shpejtë dhe i plotë i Ballkanit Perëndimor në strukturat e Bashkimit Evropian dhe të NATO-s”, ka shkruar kryeministri, Albin Kurti. Ai ka njoftuar se në mesin e disa takimeve të zhvilluara, Kurti tregon se është takuar edhe me të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar.
