Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Amerikës Barack Obama, ka thënë se Rusia, Irani dhe Siria, i kanë lyer duart me gjak në betejat brutale kundër popullatës në Halep. Ai është ankuar se nuk ka mundur ta ndalë gjakderdhjen në Siri, me gjithë përpjekjet disa vjeçare. “Bota në kohën si është tani, është e tmerruar nga sulmet brutale nga regjimi sirian dhe aleatët e saj rusë dhe iranianë në qytetin e Halepit. Ne e kemi parë një strategji të qëllimshme të rrethimit dhe mbajtjes së civilëve të uritur. Ne kemi parë sulmet që kishin cak punonjësit humanitarë dhe personelin mjekësor”. Këto janë shkelje të tmerrshme të ligjit ndërkombëtar. Përgjegjësia për këtë brutalitet bie mbi një adresë, regjimin e Assadit dhe aleatët e tij, Rusinë dhe Iranin, ka thënë Obama gjatë konferencës së fundit për këtë vit me gazetarë. Ai nuk ka folur asnjë fjalë se a ka mundur dhe a ka pasur vullnet Administrata e tij ta ndalojë gjakderdhjen në Siri, së cilës i ka kontribuar duke e nxitur dhe armatosur opozitën deri sa e futi në luftë dhe pastaj nga frika e përballjes ushtarake me Rusinë, ishte tërhequr.
