Brickos

Kryetari Begaj prezantoi raportin e punës për vitin e kaluar

29/04/2016 Institucionet

Nën drejtimin e kryesuesit Aziz Thaçi, të premten është mbajtur mbledhja e katërt e rregullt e Kuvendit të Komunës së Malishevës. Në këtë mbledhje, para anëtarëve të kuvendit, Kryetari i Komunës së Malishevës, Ragip Begaj, ka prezantuar raportin e punës për vitin 2015, të kryetarit dhe qeverisë komunale. Kuvendi i Komunës së Malishevës, po ashtu, ka formuar edhe Këshillin Organizativ për shënimin e 16 Qershorit- Ditës së Çlirimit dhe Ditës së Dëshmorëve të Komunës së Malishevës.

Pas miratimit të rendit të ditës dhe shqyrtimit të procesverbalit nga mbledhja e kaluar, para anëtarëve të Kuvendit të Komunës, kryetari Begaj, ka prezantuar punën e tij dhe të qeverisë komunale për periudhën janar-dhjetor 2015. Në këtë raport, kryetari Begaj, ka prezantuar të gjithë angazhimin njëvjeçar, të të gjitha drejtorive dhe sektorëve, ndërsa më pas anëtarët e kuvendit, e kanë shqyrtuar në detaje të gjithë raportin, ku kanë shprehur edhe mendimet e tyre rreth raportit.

Pas kësaj, KK i Malishevës, ka miratuar kërkesat e tre qytetarëve, për ndërrim destinimi të tokës bujqësore në tokë ndërtimore. Po ashtu, KK ka miratuar edhe raportin e komisionit vlerësues për dhënien në shfrytëzim afatgjatë të pronës publike të komunës, për qëllim të investimit privat, me interes publik.

Po ashtu KK i Malishevës, ka miratuar edhe planin e punës për vitin 2016, të komisionit të aksionarëve, pastaj ka miratuar edhe kërkesën e Drejtorisë së Urbanizimit, për plotësimin dhe ndryshimin e vendimit të Kuvendit të Komunës, për Planin Zhvillimor Komunal, si dhe ka miratuar edhe kërkesën e KDI-së, për inicimin e procedurave për ndryshimin e Rregullores Komunale për Transparencë dhe formimin e komisionit për këto ndryshime të kësaj rregulloreje.

KK, ka shqyrtuar edhe raportin kumulativ të zyrës së tatimit në pronë për vitin 2015, si dhe ka miratuar bartjen e mjeteve nga të hyrat vetanake nga vitet 2014 dhe 2015, në vitin 2016.

Gjithashtu, me vendim të Kuvendit të Komunës së Malishevës, është formuar edhe Këshilli Organizativ për shënimin e 16 Qershorit-Ditës së Dëshmorëve dhe Ditës së Çlirimit të Komunës së Malishevës.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara