Kryetari Begaj, priti në takim deputetin Hoti dhe katër zëvendësministra

21/12/2017 Institucionet

Kryetari i Komunës së Malishevës, Ragip Begaj, ka pritur në takim Deputetin e Kuvendit të Kosovës, Enver Hoti dhe zëvendësministrat Vesel Krasniqi nga Ministria e Bujqësisë, Rexhep Mazreku nga Ministria për Kulturë, Rini dhe Sport, Faton Thaçi nga Ministria për Tregti dhe Industri dhe  Çerkin Dugolli nga Ministria e Punës dhe Mirëqenies Sociale. Në takim ishin prezent edhe Këshilli i drejtorëve, ndërsa deputeti Hoti dhe zëvendësministrat, e kanë uruar kryetari Begaj, me rastin e dhënies së betimit dhe fillimin e mandatit të dytë, në krye të Komunës së Malishevës. Kryetari Begaj, ka falënderuar deputetin dhe zëvendësministrat, të cilët edhe vijnë nga Komuna e Malishevës, si dhe i ka informuar me gjendjen aktuale në Malishevë, planet komunale dhe nevojat e përgjithshme të Komunës së Malishevës, për të cilat nevojitet edhe mbështetja nga niveli qendror, sidomos në investimet të cilat lidhën me zhvillimin e përgjithshëm socio-ekonomik të Komunës së Malishevës, dhe rritjes së mirëqenies për qytetarët. Zëvendësministrat Dugolli, Thaçi, Mazreku e Krasniqi, morën të gjitha informacionet lidhur me Komunën e Malishevës, në mënyrë të veçantë për nevojat që lidhen me ministritë ku ata janë të angazhuar. Po ashtu edhe deputeti Enver Hoti, tha se “do të angazhohet fuqishëm brenda Kuvendit të Kosovës, për Malishevën, në mënyrë që edhe Komuna e Malishevës, të jetë e barabartë me komunat tjera të Kosovës, në çdo aspekt, përfshi edhe investimet strategjike, nacionale dhe investimet kapitale”.

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara