Kryetari Halit priti në takim homologun e tij nga Kllokoti, biseduan për projektet në interes të qytetarëve të dy komunave

Kryetari i komunës së Vitisë, Sokol Haliti, ka pritur sot në takim z. Vladan Bogdanoviq, kryetari i komunës së Kllokotit. Me këtë rast dy kryetarët kanë bashkëbiseduar për projektet e përbashkëta në interes të banorëve të Vitisë dhe Kllokotit.  Bëhet me dije se konkretisht është biseduar për disa projekte në fushën e infrastrukturës rrugore dhe qarkullimit të lirë dhe më të shpejt të banorëve, por edhe për pastrimin dhe hapjen e përroskave që kalojnë nëpër dy komunat. Kryetari Haliti dhe kryetari Bogdanoviq u pajtuan që të vazhdojnë bashkëpunimin ndërkomunal në kuadër të vendimit të marrë në Kuvendin Komunal të Vitisë si dhe të konkurrojnë bashkërisht në disa projekte. Në këtë takim u bë me dije se ata do të hartojnë edhe memorandume bashkëpunimi në fushat e ndryshme me qëllimin më të mirë që të shërbejnë  banorëve të dy komunave.

Kontrolloni gjithashtu

KKSB në komunën e Skenderajt mbajti mbledhjen e rregullt

Këshilli Komunal për Siguri në Bashkësi, i udhëhequr nga kryetari i Komunës, Fadil Nura, dhe …