leoni

Kryetari Haliti nënshkruan një marrëveshje me “Kuwait Society for Relief” për ndërtimin e Ambulantes së Mjekësisë Familjare në Gushicë

Në fshatin Gushicë  të Vitisë, pritet të ndërtohet Ambulanta e Mjekësisë Familjare dhe atë falë bashkëpunimit të Komunës së Vitisë me  Shoqatën “Kuwait Society for Relief”. Kjo pasi që kryetari i komunës së Vitisë, Sokol Haliti,  në zyrën e tij ka nënshkruar sot një marrëveshje me drejtorin e kësaj  shoqate z. Shaqir Shaqiri. Sipas dokumentit të nënshkruar objekti shëndetësor në Gushicë, do të ndërtohet nga shoqata “Kuwait Society for Relief”  në hapësirë prej 150m2 sipas parimit çelësat në dorë dhe sipas standardeve të duhura. Vlera e ndërtimit të këtij objekti shëndetësor është rreth 94 mijë eurove. Me këtë rast kryetari i komunës së Vitisë, falënderoj këtë shoqatë dhe donatorët e saj që kanë përzgjedhur komunën e Vitisë, për të realizuar një projekt jetik për banorët e kësaj komune në veçanti për qytetarët që do të ju ofrohen shërbime primare shëndetësore në Gushicë. Përndryshe në këtë takim të pranishëm ishin edhe Drejtoresha e Shëndetësisë dhe Mirëqenies Sociale, Merrushe Ahmeti dhe drejtoresha e QKMF-së në Viti, dr. Vjollca Kadolli-Halili si dhe Dr. Haki Jashari, drejtor i QKMF-së në Obiliq, me të cilin QKMF-Viti ka bashkëpunuar në projekte të ndryshme.

Kontrolloni gjithashtu

Komiteti për Politikë dhe Financa ka mbajtur mbledhjen e rregullt

Këtë të mërkurë Kryesuesi i Kuvendit të Komunës së Ferizajt Xhavit Zariqi, ka mbajtur mbledhjën …