Kryetari Haliti priti në takim ish- euro deputeten Doris Pack

16/04/2024 Institucionet

Kryetari i komunës së Vitisë, Sokol Haliti me bashkëpunëtorë dhe gra të institucioneve komunale kanë pritur sot në takim ish-deputeten e Parlamentit Evropian znj. Doris Pack. Me këtë rast, kryetari Haliti e ka çmuar lartë kontributin e zonjës Pack që e ka dhënë në proceset integruese dhe mbështetjen e vazhdueshme për krijimin e shtetit të pavarur e sovran të Republikës së Kosovës, si dhe në angazhimin e pashoq dhe përpjekjet e vazhdueshme në anëtarësimin e shtetit tonë në mekanizmat e ndryshëm evropian. “Vitia është e nderuar që sot pret zonjën Doris Pack. Në emër të institucioneve komunale të falënderoj me sinqeritetin më të madh si mike të Kosovës e si qytetare nderi të Vitisë, për gjurmët e juaja qe i latë para dhe pas formimit te institucioneve të para të shtetit tonë, për mbështetje të proceseve nëpër të cilat ka kaluar Kosova”, ka thënë kryetari Haliti. Kurse në fjalën e saj, ish deputetja e Parlamentit Evropian Doris Pack, është shprehur se ndjehet tejet e nderuar që sot gjendet prapë në Viti. Ajo theksoi se është tejet e lidhur jo vetëm me Vitinë si qytetare e mike e saj, por me gjithë Kosovën, duke mos anashkaluar edhe pakënaqësinë e saj rreth dialogut Kosovë-Serbi. “Jam shumë e lidhur me këtë vend, jo vetëm me Vitinë si qytetare e saj, por me gjithë Kosovën. Tani nuk kam ndonjë pozitë të lartë udhëheqëse por në bazë të vlerësimit tim Këshilli Evropian nuk është duke vepruar drejtë siç kemi vepruar ne me Kosovën. Por unë jam në anën tuaj sepse ana juaj është ana e drejtë, edhe pse aspak nuk jam e kënaqur as me negociatat që po zhvillohen me shtetin fqinjë”, u shpreh zonja Pack. Përndryshe zonja Doris Pack në vitin 2018, është shpallur edhe si “Qytetare Nderi e komunës së Vitisë”.

Kontrolloni gjithashtu

Angazhohen ekipe shtesë për grumbullimin e mbeturinave në komunën e Ferizajt

Pas shpalljes së gjendjes emergjente për grumbullimin dhe bartjen e mbeturinave nga Komuna e Ferizajt, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara