Kryetari Haliti reagon ndaj kompanisë KEDS, kërkon furnizimin të rregullt me energji elektrike

14/07/2022 Institucionet

Kryetari i Komunës së Vitisë, Sokol Haliti, ka reaguar sot ndaj kompanisë KEDS, rreth furnizimit jo të rregullt me energji elektrike në territorin e komunës së Vitisë, duke i cilësuar këto reduktime të pa pranueshme në këtë kohë, kur komuna e Vitisë ka fluksin më të madh të qytetarëve. Po ashtu, ai ka kërkuar intervenimin sa më të shpejt, dhe kthimin në normalitet të furnizimit me energji elektrike në këtë komunë. “Kërkoj nga kompania KEDS, që të kthej furnizimin normal me energji elektrike, në komunën tonë. Është e pa pranueshme që në këtë kohë, kur Vitia ka fluksin më të madh të qytetarëve, të ketë reduktime. Këto ndërprerje të shumta, po e pengojnë punën, funksionimin dhe shërbimin e institucioneve komunale për qytetarët e saj, e në veçanti për mërgimtarët të cilët e kanë kohën e limituar për paisje me dokumentet e nevojshme”, u shpreh Haliti. Ai ndër tjerash shtoj se KEDS, është dashur të bëjë parapërgatitjet e nevojshme, që të ketë furnizim stabil me energji, dhe jo që pikërisht në këtë kohë, të këtë ndërprerje të shumta dhe të gjata të energjisë.

Kontrolloni gjithashtu

Komuna e Skenderajt do të organizoj akademi përkujtimore për heroin Abaz Thaçi dhe 10 dëshmorë tjerë

Nën organizimin e Shoqatës së sh-Brigadës 138 “Agim Ramadani”, të enjten me 16 maj, në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara