Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka përkujtuar vëllezërit Bytyçi, të cilët u vranë nga forcat serbe, 24 vjet më parë. Ai ka deklaruar me këtë raste se regjimi i Beogradit përveç që i ekzekutoi ata dhe shumë shqiptarë të tjerë, vazhdon injorimin dhe mohimin e krimeve, madje edhe me dekorimin e kriminelëve të luftës, mes tyre edhe të tillë që dyshohen se vranë vëllezërit, Bytyçi, tre shqiptaro-amerikanë, luftëtarë të Batalionit Atlantiku. Kurrë nuk do të ndalemi në përpjekjet për të çuar drejtësinë në vend për krimin derisa vrasësit ta marrin dënimin e merituar, ka saktësuar Haradinaj. Vëllezërit: Agron, Yll dhe Mehmet Bytyqi, shtetas amerikanë, iu bashkuan radhëve të Ushtrisë Çlirimtare të Kosovës në përpjekjet më vendimtare për lirinë e atdheut. Vetëm pak ditë pas përfundimit të luftës u arrestuan nga shteti serb, (derisa po ndihmonin dërgimin në Serbi të disa romëve serbishtfolës), ka shkruar Ramush Haradinaj.
