Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komitetit për Punë të Jashtme në Bundestagun gjerman, Mihael Roth, reagoi kundër deklaratës së presidentit serb, Aleksandar Vuçiq, i cili ka sugjeruar se Bashkimi Evropian duhet të zgjedhë mes Kosovës dhe Serbisë. Përmes një postimi, deputeti gjerman ka shprehur qëndrimin e tij, duke theksuar se nuk ekziston një alternativë “ose Kosova ose Serbia” në lidhje me anëtarësimin në BE. Roth ka shtuar se perspektiva e anëtarësimit në BE nuk vlen vetëm për Serbinë, por edhe për të gjitha shtetet e Ballkanit Perëndimor, duke përfshirë Kosovën. Ai ka theksuar se nuk ka bazë për një zgjedhje të tillë dhe se Vuçiq ka keqkuptuar situatën. Megjithatë, Roth ka vlerësuar se kritikat e Vuçiq janë të motivuara, duke shtuar se me Vuçiq në pushtet, nuk ka asnjë mënyrë që Serbia të hyjë në Bashkimin Evropian.
