Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari Preshevës, Shqiprim Arifi, gjatë qëndrimit në Uashington, ka ngritur edhe një herë çështjen e fshirjes së adresave të shqiptarëve në tri komunat e Kosovës Lindore nga ana e shtetit serb. Ai tha se deri tash Serbia ka pasivizuar mbi 10 mijë adresa. Gjatë takimit me emisarin amerikan, Gabriel Escobar kam kërkuar që të ndalet ky veprim i Qeverisë serbe. Pikë së pari është e dyta herë që jam në Amerikë, edhe të parën herë kur kam qenë në vitin 2020 pak para pandemisë. Departamenti i Shtetit asokohe nuk ka qenë aq i informuar lidhur me pasivizimin e adresave të shqiptarëve. Nga ai moment e tutje, këto tri vite ka lëvizur shumëçka në lidhje me pasivizimin në aspektin e përgatitjes të njohjes së fenomenit, i cili nënkupton që shqiptarët e këtyre trevave në mënyrë selektive, pasivizohen, të suspendohen nga adresa e tyre që i kanë pasur gjithmonë, por kjo nuk ndodh me serbët që janë larguar nga vendet e tyre. Pasivizimi është një çështje që unë i kërkova të stopohet, të bëhet një moratorium i këtij fenomeni në Serbi ndaj shqiptarëve dhe tash presim se çfarë do të ndodhë, ka saktësuar, Shqiprim Arifi.
