leoni

Kryetari i SHBA-së, Donald Trump e nominon gjeneralin Tod D. Wolters për komandant Suprem të NATO-s në Evropë

Kryetari i SHBA-së, Donald Trump e nominon gjeneralin Tod D. Wolters për komandant Suprem të NATO-s në Evropë

Kryetari i Shteteve të Bashkuara, Donald Trump ka nominuar gjeneralin e Forcave Ajrore të ShBA-së, që të shërbejë në postin e Komandantit Suprem të Forcave Aleate dhe Komandës së ShBA-së në Evropë. Nominimi i gjeneralit Tod D. Wolters, u bë nga ushtruesi i detyrës së Sekretarit të Mbrojtjes, Patrick Shanahan, i cili tha se aleanca e NATO-s është pajtuar me këtë vendim. Nëse konfirmohet nga Senati, Wolters do të zëvendësojë gjeneralin, Curtis Scaparrotti. Ai do të marrë pozitën e re në NATO, në kohën kur aleanca po përgatitet që të zhbëjë Traktatin për Forcat Bërthamore me Rreze të Mesme – një pakt ky ndërmjet ShBA-së dhe Rusisë për çarmatim, që ka mbrojtur Evropën në tre dekadat e fundit. Nëse zgjidhet në këtë post, Wolters do të udhëheqë të gjitha forcat e ShBA-së në Evropë. Wolters tani shërben si komandat i Forcave Ajrore të ShBA-së në Evropë. Gjenerali Wolters është pilot dhe ka kryer mbi 5 mijë orë fluturim në karrierën e tij ushtarake prej 32 vjetësh, thuhet në biografinë e tij.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …