Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shqipërisë, Bajram Begaj, ka pritur sot në Tiranë ministrat e jashtëm të vendeve të Evropës Juglindore, në kuadër të samitit të nivelit të lartë të Procesit të Bashkëpunimit në Evropën Juglindore. Ngjarja shënon përmbylljen e presidencës njëvjeçare shqiptare në këtë proces rajonal, që Shqipëria e ka mbajtur nga korriku 2024 deri në qershor 2025. Në fjalën hapëse të samitit, ministri i Jashtëm Ilgi Hasani theksoi arritjet e bashkëpunimit rajonal gjatë presidencës shqiptare dhe ripërsëriti përkushtimin e Shqipërisë për integrim të plotë në Bashkimin Evropian brenda kësaj dekade. Kryesimi i radhës i SEECP-së do t’i kalojë Bullgarisë, pas përfundimit të mandatit të Shqipërisë. Procesi i Bashkëpunimit në Evropën Juglindore u themelua në vitin 1996 në Sofje dhe përfaqëson një forum të rëndësishëm për nxitjen e bashkëpunimit politik dhe ekonomik në rajon. Samiti i parë i këtij procesi u mbajt në Kretë, në vitin 1997. Shqipëria përmes këtij mandati ka synuar forcimin e lidhjeve rajonale dhe përmirësimin e klimës së dialogut në funksion të integrimit evropian.
