Kryetari Ismajli priti në takim të dërguarin e posaçëm të OKB-së

22/04/2016 Institucionet

Kryetari i Komunës së Shtimes, z. Naim Ismajli me bashkëpunëtorë ka pritur në takim Përfaqësuesin Special të Sekretariatit të Përgjithshëm të OKB-së, njëherit shef i UNMIK-ut në Kosovë, z. Zahir Tanin, së bashku me zëvendësin e tij, diplomatin amerikan z. Christopher Coleman, këshilltarin politik z. Paul Mecklenburg, asistentin personal z. Pushkar Sharma dhe këshilltarin politik z. Leonid Markaryan. Kryetari Ismajli, e ka njoftuar z. Tanin për punën që është bërë dhe po bëhet në sektorin e arsimit, shëndetësi, ekonomisë, pastaj për zhvillimet e gjithëmbarshme në aspektin e sigurisë ku të gjitha komunitetet kanë bashkëjetesë të mirë në shkolla, lagje dhe kodo që janë.

Në anën tjetër, z. Tanin u shpreh i hapur për të bashkëpunuar me Komunën e Shtimes me projekte konkrete përmes agjencive të specializuara të Kombeve të Bashkuara, njëherit ishte i kënaqur me të arriturat e komunës së Shtimes sa i përket zhvillimit të gjithëmbarshëm dhe sigurisë që mbretëron për të gjitha komunitet.

Gjatë ditës, shefi i UNMIK-ut në Kosovë, z. Zahir Tanin, së bashku me bashkëpunëtorë ka vizituar lulishten “Agrocoop”, i shoqëruar nga nënkryetari i komunës së Shtimes, z. Fatmir Rashiti.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara