Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi më 3 dhe 4 tetor do të qëndrojë në vizitë zyrtare në Republikën e Shqipërisë. Sipas agjendës së publikuar nga Presidenca, Thaçi më 3 tetor, do të pritet me ceremoni shtetërore nga homologu i tij shqiptar Bujar Nishani dhe pas takimit me të do të dalin në një konferencë të përbashkët në media. Më pas ai do të takohet me kryeministrin e Shqipërisë, Edi Rama, kryetarin e kuvendit, Ilir Meta si dhe me liderin e Partisë Demokratike të Shqipërisë, Lulzim Basha. Në ditën e parë të vizitës shtetërore, Thaçi do të vizitojë familjen e shkrimtarit, Dritëro Agolli. Ndërkaq, më 4 tetor, ai do të takohet me kryebashkiakun e Tiranës, Erion Velijaj, si dhe do të vendos kurora lulesh në monumentin “Nëna Shqipëri” dhe te shtatorja e Adem Jasharit. Të martën Thaçi ka planifikuar po ashtu që të vizitojë futbollistët e kombëtares së Kosovës, të cilët po bëjnë përgatitjet e fundit për ndeshjen me Kroacinë, në Bushat të Shkodrës.
