Kryetari Latifi ka mbajtur takimin e fundit për këtë vit me drejtorët e të gjitha institucioneve arsimore të komunës së Rahovecit

23/12/2020 Institucionet

Kryetari i komunës së Rahovecit Smajl Latifi, së bashku me drejtorin e arsimit, ka mbajtur sot takimin e fundit për këtë vit kalendarik me drejtorët e të gjitha institucioneve arsimore të komunës së Rahovecit. Në këtë takim është bashkëbiseduar për ecurinë e deritanishme të procesit edukativo arsimor në të gjitha nivelet, nga niveli parafillorë deri te niveli i mesëm i lartë. Ishte vlerësim i përgjithshëm që, përkundër rrethanave të vështirësuara dhe të shkaktuara nga pandemia Covid-19, gjatë periudhës së parë të këtij viti mësimor arritëm që në të gjitha shkollat e komunës së Rahovecit të mbajmë në jetë skenarin A, atë të zhvillimit të procesit mësimor me prezencë në shkollë. Si kryetar komune, shpreha përkushtimin tim, të DKA-së dhe të qeverisjes që drejtoj, se çdoherë do të jemi në mbështetje të përmirësimit të gjendjes infrastrukturore të shkollave dhe në mbështetje të të gjitha iniciativave që synojnë rritjen e cilësisë në arsim. Drejtorëve të shkollave, mësimdhënësve, edukatorëve dhe nxënësve, ju uroj pushime të këndshme dimërore, festën e vitit të ri dhe suksese të mëtutjeshme në periudhën e dytë, e cila fillon më 18 janar 2021! Ka thënë me këtë rast kryetari Latifi.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara