Kryetari Latifi ka pritur në takim drejtorin menaxhues të Fondit të Kosovës për Efiçiencë të Energjisë, Admir Shala

17/12/2020 Institucionet

Kryetari i komunës së Rahovecit, Smajl Latifi, së bashku me drejtorin e arsimit, Avni Morina dhe zyrtarin komunal për efiçiencë të energjisë, Shpejtim Mustafa, pritën në takim drejtorin menaxhues të Fondit të Kosovës për Efiçiencë të Energjisë, Admir Shala. Me drejtorin Shala është nënshkruar edhe një marrëveshje për fillimin e zbatimit të projekteve për ndërmarrjen e masave të energjisë efiçiente edhe për 5 objekte shkollore në komunën e Rahovecit. Shkollat përfituese të përfshira në këto projekte, janë:

– Shkolla “Gëzim Hamza-Piktori” në Rahovec

– Shkolla “Milaim Krasniqi” në Pastasel

– Shkolla “Dëshmorët e Zatriqit” në Zatriq

– Shkolla ” Rilindja” në Çifllak” dhe

– Shkolla “Faik Konica” në Celinë

Këto projekte janë financim  i përbashkët në mes të Qeverisë së Kosovës, Zyrës së BE-së dhe Bankës Botërore përmes Fondit të Kosovës për Efiçiencë të Energjisë. Pak muaj më parë, është nënshkruar marrëveshja për zbatimin e masave të efiçiencës së energjisë edhe për 5 shkolla të tjera dhe tani u bënë 10 shkolla përfituese, vlera financiare e të cilave është rreth 1 milion €. Këto projekte do të fillojnë së zbatuari gjatë vitit 2021. Kryetari Latifi i shprehu mirënjohje drejtorit Shala për kontributin e jashtëzakonshëm në drejtim të jetësimit të këtyre projekteve të rëndësishme për komunën e Rahovecit, dhe u zotua se bashkëpunimi i ndërsjellët do të vazhdojë edhe në të ardhmen.

Kontrolloni gjithashtu

Smajl Latifi: SONTE SHPALLËM TË HAPUR EDICIONIN E 23-të TË FESTIVALIT KOMBËTAR TË FOLKLORIT “ANADRINIA JEHON”

Të nderuar familjarë të dëshmorëve, invalidë e vetreanë të luftës, Këshill Organizues, dashamirës të artit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara