Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin e rënies, nderuan kujtimin për luftëtarin e UÇK- së dhe dëshmorin e kombit, Sadri Fazli Krasniqi, si dhe për martirët: Jakup A. Krasniqi, Muharrem Morina, Shaban Z. Krasniqi, Sali S. Krasniqi, Fadil B. Krasniqi dhe Merdete V. Morina. Kryetari Latifi me këtë rast tha se, sa herë që kujtojmë vitet e kthesës së madhe dhe zhvillimet e rëndësishme që përmbysën pushtimin e gjatë fizik e shpirtëror të popullit tonë, na sfidojnë vlerat e kombit, mundimet e panumërta, gjaku i trimave që derdhej për të dalë Kosova nga kthetrat e grabitqarëve që vranë, prenë dhe shkatërruan jetën e një populli të lashtë. Liria ndërtohet me gjak, kurse, të gjithë ata që dhanë jetën dhe u flijuan për liri, janë nderi dhe krenaria e popullit tonë. Nderime dhe lavdi për jetë e mot!
