Saturday , April 27 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Kryetari Latifi uron qytetarët me rastin e Festës së Fiter Bajramit

25/05/2020 Institucionet

Tema të tjera...

Kryetari i komunës së Rahovecit Smal Latifi, me rastin e Festës së Fiter Bajramit uron të gjithë besimtarët e besimit Islam, ai ndër të tjera ka thënë: Të nderuar bashkëqytetarë të Rahovecit, familjarë të dëshmorëve e martirëve, familjarë të të pagjeturve, ju bashkëkombës e ju qytetarë të besimit islam kudo që jeni, më lejoni që të shfrytëzoj rastin, t’ju uroj festën e Fitër- Bajramit, e cila vjen menjëherë pas përfundimit të Muajit të Bekuar të Ramazanit! Solidarizimi me të varfrit është mesazhi kryesor që kjo festë na kujton të gjithëve, andaj dua t’ju falënderoj të gjithëve që keni shprehur gatishmërinë që në secilën mënyrë, të ndihmoni të gjithë ata që kanë nevojë, në ditë jo të lehta për shumë prej nesh. Nesër është ditë feste, ditë së cilës i gëzohemi të gjithë. Le t’ia shtrijmë njëri-tjetrit dorën e mirëkuptimit dhe bashkëpunimit, duke mos këmbyer vizita me më të afërmit, për shkak të gjendjes pandemike, kësaj here Bajramin e Madh, jemi të detyruar ta festojmë pa aktivitete publike, andaj shpresoj dhe besoj që do të hasim në mirëkuptimin tuaj. Kjo festë shënon përmbylljen e muajit të axhërimit, i cili është muaj i vlerave të humanizmit, sikurse janë paqja, mirëkuptimi, toleranca dhe solidariteti ndërnjerëzor. Këto vlera nuk i kanë munguar asnjëherë popullit tonë dhe ne sot duhet të angazhohemi të gjithë në forcimin e këtyre vlerave. Na presin shumë punë për të bërë, sigurisht, bashkërisht do të arrijmë më shumë. Le të mbretërojë festa në familjet e çdonjërit, le të jetë ky Bajram i përbashkët për të gjithë! Urime këtë festë të madhe dhe Zoti ua pranoftë të gjithë atyre që axhëruan muajin e Ramazanit! Në rrugëtimin tonë si shtet e shoqëri, qofshim gjithmonë krah për krah, paçi shëndet e gëzime në familjet tuaja!

Me fat Bajrami i Madh!

Smajl Latifi

Kryetar i komunës së Rahovecit

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara