Kryetari i Republikës së Kosovës, Hashim Thaçi, mori pjesë të enjten në përurimin e Qendrës Kryesore të Mjekësisë Familjare në Skenderaj, me ç’rast tha se ky është një objekt madhështor të cilin e kanë investuar autoritetet edhe komunale, por edhe qendrore. Ai tha se ky objekt është produkt i një pune dhe angazhimi të institucioneve lokale dhe institucioneve qendrore. “Është një objekt që e keni merituar ka kohë, që është investuar me plotë të drejtë. Prandaj, e gëzofshi ju si punëtorë të mjekësisë, autoritete komunale dhe gjithë qytetarët e Skenderajt”, ka thenë Thaçi. I pari i vendit tha se ndihet krenar që punëtorët e shëndetësisë në Skenderaj do të kenë mundësi shumë më të mira për të ofruar shërbime më të lehta dhe më cilësore për qytetarët.
Kontrolloni gjithashtu
Në raportin vjetor të organizatës “Freedom House” janë përmendur rastet e Shemsi Hazitit, Nagip Krasniqit dhe Martin Berishajt
Në raportin vjetor për vitin e kaluar 2023 të organizatës ndërkombëtare “Freedom House” është përmendur …