Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse shtatore për së gjalli nuk iu ka ngritur në Kosovë, Adem Demaçit, Rexhep Qoses dhe askujt tjetër, përveç Josip Broz Titos, në kohën e tij, dhe ish kryetarit amerikan, Bill Klinton, pas luftës në Kosovë, ministri i Kulturës, në Qeverinë e Kosovës, Kujtim Gashi kërkon që në Prishtinë të ngrihet një shtatore për Majlinda Kelmendin dhe një tjetër për legjendën e futbollit kosovar-jugosllav, Fadil Vokrri. Mbase ky ministër nuk e di se në Prishtinë për 20-vjet ende mungon shtatorja e Adem Jasharit dhe e shumë personaliteteve të rangut kombëtar. Pavarësisht meritave e sukseseve të një sportisteje të Kosovës, sikur është Majlinda Kelmendi, ngritja e shtatores për së gjalli është akt i papërgjegjshëm dhe nuk do të duhej të përfillej në asnjë mënyrë, sepse nuk dihet çka mund të ndodh me njeriun derisa është gjallë. Përpjekjet për ngritjen e shtatoreve vend e pa vend, derdhja e parasë publike në skema që kanë për qëllim mburrjen e krekosjen, apo përpjekjen për të lënë emër derisa një zyrtar ndodhet në një post ministri, janë veprime të ngutshme, të pamotivuara, pse jo edhe të papërgjegjshme.
