Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas tërheqjes së kërkesës nga Presidentja Vjosa Osmani lidhur me kompetencat e Kuvendit, Gjykata Kushtetuese ka dalë me një sqarim zyrtar. Ajo thekson se ndarja e lëndëve te gjyqtarët raportues bëhet në mënyrë automatike dhe sipas rregullave të qarta procedurale. Kjo deklaratë vjen pasi Osmani kundërshtoi caktimin e gjyqtarit Radomir Laban si raportues të çështjes, duke e cilësuar atë si rrezik për sigurinë kombëtare. Në reagimin e saj, Kushtetuesja kujton se Laban është emëruar në përputhje me Kushtetutën dhe ligjet në fuqi dhe është pjesë e Gjykatës që nga viti 2011, ndërsa si gjyqtar që nga viti 2018. Gjykata thekson se është autoriteti përfundimtar për interpretimin e Kushtetutës dhe i trajton të gjitha lëndët me paanshmëri dhe profesionalizëm. Ajo nënvizon se palët kanë të drejtë të tërheqin kërkesat e tyre, por vendimet merren në përbërje të plotë dhe në përputhje të plotë me mandatin kushtetues.
