Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Lahi Brahimaj, ka deklaruar se është i penduar që ka votuar për Dimal Bashën si kryetar të Kuvendit të Kosovës. Brahimaj tha se shkak për këtë pendesë është një artikull i Bashës, i botuar vite më parë në bashkëautorësi me akademiken Jana Arsovska, ku përmendet se Ushtria Çlirimtare e Kosovës kishte lidhje me rrjete të drogës dhe krimit transnacional. “Edhe unë e kam votuar zotin Dimal Basha, me mendimin që ta respektojmë vendimin e Gjykatës Kushtetuese për të dalë nga kriza. Për kohën që bëhet fjalë, unë kam qenë në burgun e Hagës dhe nuk kam pasur njohuri për këtë punim. Pothuajse asnjë gazetë nuk e ka përmendur deri këto ditë”, tha Brahimaj. “Jam i penduar dhe sikur ta dija, nuk do ta votoja për asnjë çmim Dimal Bashën. Unë kam kaluar tetë vjet në Hagë dhe jam përballur me lloj-lloj akuzash. Edhe kolegët e mi, po të ishin në dijeni, nuk do ta votonin. Për të avancuar brenda VV-së, duhet me qenë një njeri anti-UÇK”, u shpreh Brahimaj.
