Latifi: Një popull që lind burra si LUANI e sikur Baca SMAJL HARADINAJ, s’ka vdekje

06/05/2020 Institucionet

Kryetari i komunës së Rahovecit Smajl Latifi, përmes rrjetit social facebook ka kujtuar dëshmorët, luan dhe Smajl Haradinaj, ai nderë të tjera ka thënë: Tash e 23 vjet, LUANI zemërluan, me gjoks e në këmbë, çau shtigje në bjeshkët e Pashtrikut, sepse përcaktimi i tij për idealin e lartë të çlirimit e bashkimit, nuk i njihte kufijtë ndërshqiptarë, të vendosur padrejtësisht e dhunshëm. Rrugëtoi shpesh në këtë mision, sa të vështirë e me rreziqe, po aq edhe të rëndësishëm e shumë fisnik. Më 6 maj 1997, vepra e Luanit u mbulua me lavdi dhe hyri në kujtesën e secilit, e prej Qafës së Mullarëve në malet e Pashtrikut, u bë lajmëtari i lindjes së epokës së luftës së armatosur çlirimtare në Kosovë.

Një popull që lind burra si LUANI e sikur Baca SMAJL HARADINAJ, s’ka vdekje!

Përderisa në njërën anë, është nderë dhe detyrë të ecim përpara në rrugën e drejtë që e çanë me djersë, mund, jetë dhe gjak heronjtë dhe dëshmorët e atdheut, në anën tjetër, është turp dhe meritojnë përbuzje kolektive devijuesit e rrugës e mohuesit e sakrificave që i bënë burrat si Baca Smajl, Luani…, ata që i pavdekësuan emrat e tyre në histori.

Lavdi përjetësisht atdhetarit të dëshmuar shqiptar, SMAJL HARADINAJ!

Lavdi përjetësisht heroit shqiptar LUAN HARADINAJ!

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara