Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës ka dorëzuar sot një kallëzim penal në Prokurorinë Speciale të Kosovës ndaj ish-Kryeministrit Albin Kurti dhe disa ish-ministrave të kabinetit qeveritar, të cilët janë rizgjedhur deputetë në Kuvendin e Kosovës. Kallëzimi është dorëzuar nga deputetet e LDK-së, Hykmete Bajrami dhe Doarsa Kica-Xhelili, të cilat theksuan se lënda ka të bëjë me dyshime për keqpërdorim të detyrës zyrtare dhe tejkalim të autorizimeve ligjore. “Personat në fjalë, përfshirë ish-Kryeministrin Kurti, kanë dhënë dorëheqje nga funksionet ekzekutive për të ushtruar mandatin e deputetit, dhe si të tillë nuk kanë të drejtë të vazhdojnë ushtrimin e funksioneve ekzekutive në Qeverinë në detyrë,” thuhet në komunikatë. LDK ka kërkuar nga Prokuroria Speciale që të ndërmarrë hetimet e nevojshme dhe të veprojë në përputhje me ligjin, për të garantuar llogaridhënie dhe sundim të ligjit në institucionet e Republikës së Kosovës.
