Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fatmir Limaj e vlerëson lartë kontributin e Radios “Kosova e Lirë” dhe “Kosovapressit”, në 20 -vjetorin e themelimit Kryetari i Nismës Socialdemokrate, Fatmir Limaj, njëherësh zëvendëskryeministër në qeverinë e Kosovës ka kujtuar 20-vjetorin e fillimit të punës Radios “Kosova e Lirë’ dhe Agjencisë së lajmeve “KosovaPress. Me këtë rast Limaj, ka vlerësuar lart kontributin e këtyre dy medieve në informimin e jo vetëm qytetarëve të Kosovë, por edhe opinionit të jashtëm ndërkombëtarë me luftën që po zhvillohej në Kosovë. “Në janarin e ftohtë vitit 1999, nisi punën “KosovaPress” dhe Radio “Kosova e Lirë”. Mirënjohje dhe falënderim të gjithë atyre që në kushte aspak të lehta bënë të mundur të transmetojnë atë që po ndodhte asokohë në Kosovë. Radio “Kosova e Lirë” dhe “KosovaPress” me raportimet e tyre u dhanë forcë e moral të gjithë luftëtarëve të UÇK-së gjatë gjithë kohës. “Radio “Kosova e Lirë” dhe Agjencia “Kosova Press” i kanë dhënë zërin meritor pushkëve të lirisë, që me zë e shkrime të njoftojnë opinionin e brendshëm e të jashtëm për luftën e drejtë e çlirimtare të popullit e ushtrisë së tij”, ka shkruar Limaj.
