Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati mbrojtës i Hashim Thaçi, Luka Mishetiç është deklaruar për media pas përfundimit të deklarimeve përfundimtare në procesin gjyqësor që po zhvillohet në Dhomat e Specializuara të Kosovës, duke e cilësuar çështjen si një betejë të gjatë ligjore dhe duke shprehur optimizëm për epilogun. Luka Mishetiç tha se, pas një procesi të zgjatur dhe shqyrtimit të provave gjatë ditëve të fundit, mbrojtja ka arsye të jetë optimiste për një rezultat pozitiv. “Me procese të gjata gjyqësore për një betejë në sallën e gjyqit, përshtypja jonë në fund është se kemi çdo arsye të jemi optimistë për një rezultat shumë pozitiv. Është gjithmonë e paarsyeshme të përpiqesh të parashikosh diçka në një çështje gjyqësore, sepse në fund gjithçka varet nga gjyqtarët. Por nga argumentet që kemi dëgjuar sot dhe gjatë 10 ditëve të fundit, si dhe nga mbrojtja e prokurorisë, ne besojmë se kemi të drejtë si në prova ashtu edhe në ligj. Dhe siç thashë, presim rezultate shumë të mira”, ka deklaruar ai. Avokati theksoi se gjatë procesit janë trajtuar çështje që lidhen me kontekstin e luftës në Kosovë dhe mënyrën se si institucionet ndërkombëtare mblidhnin dhe vlerësonin informacionin në atë periudhë. Sipas tij, ka pasur reagime befasuese nga disa institucione lidhur me argumentet e paraqitura nga mbrojtja. Ai shtoi se Kosova ka qenë ndër çështjet më të rëndësishme të politikës së jashtme në vitet 1998–1999, periudhë gjatë së cilës, sipas tij, ka ekzistuar një volum i madh informacioni i mbledhur nga agjenci diplomatike, të inteligjencës dhe media ndërkombëtare. Procesi tashmë ka hyrë në fazën përfundimtare, ndërsa pritet që trupi gjykues të shpallë vendimin pas shqyrtimit të plotë të argumenteve të paraqitura nga palët.
