Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës , Lumir Abdixhiku, i është përgjigjur letrës së kryeministrit Albin Kurti duke theksuar se bashkëpunimi me Lëvizjen Vetëvendosje është i pamundur për shkak të krizës së thellë institucionale, që sipas tij, është shkaktuar nga vetë VV-ja. Në përgjigjen e tij, Abdixhiku theksoi se LDK ka hyrë në zgjedhjet e 9 shkurtit me një program të qartë dhe me qëndrim të formësuar kundër bashkëpunimit me Vetëvendosjen. Ai propozoi nisjen e një procesi të ri politik gjithëpërfshirës, me pjesëmarrjen e të gjitha partive, për të garantuar një qeveri të përkohshme që do të funksionojë deri në zgjedhjen e presidentit të ri. Abdixhiku u shpreh i gatshëm për takime me të gjitha forcat politike, përfshirë edhe kryeministrin Kurti, në funksion të zgjidhjes së krizës aktuale.
