Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike të Kosovës, Lutfi Haziri, ka deklaruar para seancës së 25-të konstituive të Kuvendit se vendi ndodhet në një krizë të thellë politike dhe se një marrëveshje ndërmjet partive është jo vetëm urgjente, por e domosdoshme për të mos e thelluar më tej bllokadën. “Fatkeqësisht, po përsëritet e njëjta situatë. Mungesa e vullnetit politik për të gjetur zgjidhje është bërë e padurueshme për vendin. Gjithmonë ka rrugë dhe mundësi për t’i çuar gjërat deri në fund. Për neve nuk ka rëndësi emri, por parimi,” tha Haziri. Ai shtoi se Kosova ndodhet në një pikë kritike dhe se çdo vonesë e mëtejshme përbën rrezik real për funksionimin institucional. “Një marrëveshje politike është përtej urgjencës. Kosova është në krizë të vërtetë politike,” theksoi ai.
