Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lëvizjes Vetëvendosje, Faton Peci, ka konfirmuar se kanë pasur kontakte me Nismën Socialdemokrate dhe se kjo parti shihet si një partnere e mundshme në përpjekjet për zhbllokimin e Kuvendit. Para nisjes së seancës së 25-të konstituive, Peci foli për mediat, duke theksuar se negociatat janë zhvilluar nga Vetëvendosje ose drejtpërdrejt nga kryeministri Albin Kurti. “Sipas informatave që kam, ka pasur takime me Fatmir Limajn para dy apo tri ditësh. Nuk jam i informuar për nivelin e atyre bisedimeve, por është konfirmuar se kanë ndodhur,” tha ai. Peci u shpreh se Vetëvendosje shpreson ende në lëvizje pozitive nga kampi opozitar, por pranoi se aktualisht nuk ka ndonjë përparim konkret në negociata. Ai theksoi se komunikimi me partitë është i vazhdueshëm, por nuk dha detaje për ndonjë marrëveshje të afërt. “Qytetarët presin që ne të ofrojmë zgjidhje. Deri më tani nuk kemi bërë ndonjë lëvizje vendimtare, por jemi në komunikim të vazhdueshëm,” shtoi Peci, duke lënë të hapur mundësinë për arritjen e një marrëveshjeje në ditët në vijim.
