Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Lidhjes Demokratike të Kosovës, Lutfi Haziri, ka reaguar pas përurimit të vazhdimit të rrugës hyrëse-dalëse Gjilan-Bujanoc, një projekt që, sipas tij, duhej të përfundonte në vitin 2022. Haziri akuzoi Qeverinë dhe drejtuesit aktualë të Gjilanit për vonesa të qëllimshme në realizimin e projekteve, të cilat ai i cilëson si “projektet e Lutës”. Këta veç marre s’kanë. Mund t’i vononi ‘projektet e Lutës’, por kurrë s’mund t’i ndalni! Për tri vite i bllokuan dhjetëra projekte kapitale, duke shkaktuar dëme të mëdha për qytetarët dhe bizneset lokale. Haziri theksoi se vonesat kanë ndikuar negativisht në operimin e bizneseve dhe në jetën e përditshme të qytetarëve të Gjilanit dhe Anamoravës, duke kritikuar Qeverinë Kurti dhe administratën lokale për keqqeverisje, korrupsion dhe nepotizëm, andaj gjilanasit tashmë janë ngritur kundër qeverisjes së Vetëvendosjes.
