Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike e Kosovës, Lutfi Haziri, ka mohuar raportimet për një marrëveshje të mundshme me Lëvizja Vetëvendosje lidhur me “ndërrim pozicionesh” politike në kuadër të diskutimeve për zgjedhjen e presidentit. Haziri ka deklaruar se LDK dhe kryetari i saj Lumir Abdixhiku janë në bisedime që vendit t’i jepet një president, por ka theksuar se pretendimet për marrëveshje të fshehta apo pazare politike janë “të pavërteta”. Sipas tij, LDK mbetet e përkushtuar për institucione funksionale dhe përfaqësuese, duke e paraqitur partinë si faktor të stabilitetit politik dhe të “shpresës e besës”. Deklarata e Hazirit vjen në një moment të debatit të shtuar politik për procesin e zgjedhjes së presidentit, ku partitë akuzohen shpesh për negociata jo transparente dhe mungesë konsensusi të gjerë institucional.
