Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Xhudistja kosovare Majlinda Kelmendi ka shkruar historinë e sportit të Kosovës të dielën mbrëma të 7 gushtit të vitit 2016, pasi ia siguroi medaljen e artë olimpike shtetit të Kosovës, në paraqitjen e parë të vendit tonë në Lojërat Olimpike.
Kampionia e botës, arriti në finalen e madhe në Carioca Arena 2 në Rio De Janeiro në kategorinë deri në 52 kilogramë ta mposht me Juco, xhudisten italiane, Odette Giuffrida.
Gjatë ditës, Kelmendi e mundi në meçin e parë, brenda 25 sekondave zvicëranen, Evelyne Tschopp. Në çerekfinale fitoi nga xhudistja e Mauritiusit, Christianne Legentil, duke iu revanshuar për humbjen befasuese katër vite më parë në Olimpiadën e Londrës, kur Majlinda mbronte ngjyrat e Shqipërisë, derisa në gjysmëfinale ishte më e mirë se japonezja, Misato Nakamura, ish kampione botërore, në një meç mjaft të fort kur vendosi kartoni i kundërshtares.
Majlinda për titullin e fituar në RIO do të shpërblehet nga MKRS me 100 mijë euro.
