Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Para Teatrit Kombëtar të Prishtinës, në shenjë dhimbjeje e kujtimi të përjetshëm të 1432 fëmijëve shqiptarë – viktima të gjenocidit shtetëror të Serbisë fashiste, studentet e fakultetit të edukimit të Universitetit “Hasan Prishtina” të Prishtinës, me rastin e Një Qershorit (Ditës Botërore të Fëmijëve), organizuan një manifestim protestues paqësor, për ta shpreh njëherit edhe pakënaqësinë e radhës, ndaj organeve kompetente të Republikës së Kosovës, të cilat për 24 vite rresht, edhe pse kanë premtuar për ngritjen e OBELISKUT, që do të duhej të përfundonte më 1 qershor 2023, përballë aeroportit ndërkombëtar “Adem Jashari” të Prishtinës, atë, në formë simbolike e ngritën studentet e fakultetit të edukimit të Universitetit “Hasan Prishtina” të Prishtinës, si shenjë e përjetshme e kujtesës historike për ta. Faleminderit për përkrahjen e nevojshme dhe të domosdoshme logjistike Qendrës tregtare “Plus Center”, të Ferizajit, Mobilerisë së Fshatit Greme të Ferizajit “Profil Star” dhe Kompanisë “ArtStudio” të Prishtinës. Faleminderit medieve të shkruara dhe elektronike për interesimin e madh dhe përcjelljen e këtij Manifestimi protestues me korrektësi dhe dinjitet, me rastin e Ditës Botërore të Fëmijëve!
Nusret Pllana
