Brickos

Mbahet mbledhja e dymbëdhjetë rregullt dhe e fundit e Kuvendit Komunal të Rahovecit për vitin 2019

26/12/2019 Institucionet

Është mbajtur mbledhja e rregullt e dymbëdhjetë dhe e fundit për vitin 2019 e Kuvendit Komunal të Rahovecit, e thirrur nga kryesuesi i Kuvendit, Afrim Dina, në bazë të nenit 43 paragrafi 1, të Ligjit për Vetëqeverisje Lokale Nr. 03./L-040 dhe Statutit të Komunës së Rahovecit Nr. 1005 më datë: 29.03.2017. Fillimisht u vërtetua se në mbledhje të pranishëm ishin të gjithë këshilltarët e Kuvendit. Me këtë u konstatua se ekziston kuorumi për punë dhe vendimmarrje. Në mbledhje të pranishëm ishin edhe Smajl Latifi Kryetar i Komunës, Fatmir Iska Nënkryetar i Komunës, drejtorët e Drejtorive të Komunës, zyrtar komunal,  LMT-Kfori Austriak, Zyra e OSBE-së dhe disa përfaqësues të mjeteve të informimit. Pas miratimit të procesverbalit nga mbledhja paraprake dhe miratimit të rendit të ditës, mbledhja vazhdoi me pyetjet dhe ngritjen e çështjeve të ndryshme nga ana e kuvendarëve. Pas pyetjeve të shumta të kuvendarëve dhe diskutimit për çështje të ndryshme të Komunës, u shqyrtuan dhe u aprovuan këto pika të rendit të ditës:

  • Shqyrtimi i Raportit rreth aktiviteteve të KKSB-së për vitin 2019,

  • Shqyrtimi dhe aprovimi i Planit të Veprimit të Këshillit Komunal për Siguri në Bashkësi (KKSB) për vitin 2020,

  • Shqyrtimi dhe aprovimi i Propozim Vendimit paraprak për shpalljen e interesit të përgjithshëm për Hapjen e rrugës publike në Z.K – Xërxë,

  • Shqyrtimi i Raportit të punës së Kuvendit të Komunës së Rahovecit për vitin 2019,

  • Shqyrtimi dhe aprovimi i Draft-Planit të Punës së Kuvendit të Komunës së Rahovecit për vitin 2020,

  • Shqyrtimi i Raportit mbi realizimin e Planit për vitin 2019 si dhe shqyrtimi i Planit të punës së Auditorit të Brendshëm për vitin 2020,

  • Shqyrtimi i Raportit mbi realizimin e Planit për vitin 2019 si dhe informatë mbi Planin vjetor të Zyrës së Prokurimit publik për vitin 2020,

  • Shqyrtimi dhe aprovimi i Propozim Vendimit për vënien në debat publik të Planit Lokal për Veprim në Mjedis 2019-2024,

  • Shqyrtimi dhe aprovimi i Propozim Vendimit për vënien në debat publik të Planit Komunal të Veprimit për Efiçiencë të Energjisë 2019-2020.

Kontrolloni gjithashtu

Kryetari Latifi mbajti mbledhjen e radhës me drejtorët e drejtorive

Kryetari i komunës së Rahovecit Smajl Latifi, mbajti mbledhjen e përjavshme me drejtorët e drejtorive, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara