leoni

Mbahet mbledhja e Komitetit për Komunitete në komunën e Rahovecit

17/06/2020 Institucionet

Në sallën e mbledhjeve të Kuvendit Komunal të Rahovecit, nën kryesimin e kryesuesit të Komitetit për Komunitete, Bajram Morina është mbajtur mbledhja e dytë e këtij komiteti për vitin 2020, gjatë mbledhjes është diskutuar për Informatë rreth dëmtimit të varrezave të komunitetit Romë, Ashkali, Egjiptian (RAE) dhe Informatë rreth gjendjes socio ekonomike të komunitetit jo shumicë gjatë kohë së Pandemisë me Virusin Covid-19. Për pikën e parë Informatë rreth dëmtimit të varrezave të komunitetit Romë, Ashkali, Egjiptian (RAE), ka folur shefi i zyrës Komunale për Komunitete dhe Kthim në Komunën e Rahovecit, Lendrit Qeli i cili i ka informuar anëtarët e Komitetit për Komunitete duke thënë se pas marrjes së informacionit lidhur me dëmtimin e varrezave së bashku me zyrtarë komunal kemi dalë në vendin e ngjarjes dhe se më pastaj kryetari i komunës, Smajl Latifi ka formuar komisionin për verifikimin e dëmit. Sipas raportit të komisionit janë dëmtuar 19 varreza, 18 janë të komunitetit RAE dhe 1 e komunitetit Shqiptarë dhe se vlera është 3040 euro, pritet që varrezat e dëmtuara të rregullohen. Mirjeta Krasniqi dhe Ali Zhuniqi anëtarë të Komitetit për Komunitete, e kanë dënuar dëmtimin e varrezave, duke kërkuar që kryesit e kësaj vepre të marrin dënimin nga institucionet përgjegjëse të Kosovës. Shefi i zyrës për Komunitete dhe Kthim, Lendrit Qeli, ka dhënë një Informatë rreth gjendjes socio ekonomike të komunitetit jo shumicë gjatë kohë së Pandemisë me Virusin Covid-19, për këtë pikë ai ka thënë se gjatë periudhës së pandemisë, janë shpërnda pako ushqimore dhe pako higjienike, donatorë ka qenë komuna e Rahovecit, por që ka pasur edhe donator të tjerë.

Kontrolloni gjithashtu

FC Ferizaj zyrtarisht Kampion të Kosovës në Ligën e Parë të Futbollit

FC Ferizaj është shpallur zyrtarisht Kampion i Kosovës në Ligën e Parë të Futbollit. “Ju …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara