Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vizita e paralajmëruar dhe e kualifikuar si historike e Aleksandër Vuçiqit në Kosovë, e paraparë për këtë fund javë, në të cilën ai pritej t’ua komunikonte serbëve se cila do të jetë marrëveshja finale e Brukselit, është vënë në pikëpyetje nga vetë presidenti i Serbisë. Mediat në Beograd kanë raportuar të enjten mbrëma se Vuçiqi është duke e menduar anulimin e vizitës. Shkaku, sipas gazetës “Novosti”, është se leja për vizitë që i është dhënë atij nga Qeveria e Kosovës ia ndalon ndalimin në Liqenin e Ujmanit. Sipas “Novostit”, nëse Vuçiqi nuk lejohet të vizitojë edhe Liqenin e Ujmanit, atëherë ai nuk do të udhëtojë fare në Kosovë, ndërsa në pikëpyetje është vënë edhe mbajtja e takimit të dialogut, të premten në Bruksel.
