Mekanizmat relevant zgjedhor në Kaçanik mobilizohen për fushatë dhe proces zgjedhor të drejtë dhe pa tensione

30/05/2017 Institucionet

Komuna e Kaçanikut ka traditë të organizimit të zgjedhjeve të lira e pa tensione, u tha në takimin mobilizues të mekanizmave relevant zgjedhor. Komisioni Komunal Zgjedhor, Institucionet Komunale, Partitë Politike, Përfaqësues të Stacionit të Policisë në Kaçanik, janë mbledhur për të diskutuar format e organizimit të fushatës parazgjedhore, si dhe në përgjithësi organizimin e procesit të drejtë zgjedhor. Fillimisht Artan Mezraja-Kryesues i Komisionit Komunal të zgjedhjeve në Kaçanik, tha se KKZ-ja është duke bërë të gjitha përgatitjet e nevojshme për zhvillimin e procesit zgjedhor pa probleme dhe pa tensione. Mezraja me theks të veçantë njoftoi përfaqësuesit e Partive Politike për procedurat e nevojshme për organizimin e tubimeve parazgjedhore si dhe për format e tjera të fushatës. Nga ana tjetër Komandanti i Stacionit të Policisë në Kaçanik Kapiten Afrim Halili, tha se edhe në këtë proces zgjedhor presim qetësi publike dhe i tërë procesit zgjedhor të kaloj pa probleme të theksuara. Kapiteni Halili tha se ka siguri për mbajtjen e tubimeve sa do të mëdha qofshin ato. Edhe Nënkryetari i Komunës së Kaçanikut Remzi Elezi, tha se në Kaçanik është bërë një kthesë e madhe pozitive sa i përket procesit të mirë organizuar zgjedhor, është krijuar një traditë e qetësisë publike, ndërsa uroi që edhe në zgjedhjet e 11 qershorit prezenca e policisë të jetë më shumë në rolin vëzhgues se sa veprues. Nga ana tjetër, përfaqësuesit e Partive Politike në Kaçanik, uruan në proces të drejtë zgjedhor, pa incidente dhe pa fyerje, ndërsa thanë se fushata parazgjedhore do të organizohet nën frymën demokratike ashtu siç e ka tradita e qytetit të Kaçanikut.

Kontrolloni gjithashtu

Në Sllatinë të Epërme të Vitisë u përkujtua dëshmori Njazi Rexhepi dhe u shënua dita e shkollës

Sot, në Sllatinë të Epërme të Vitisë, u shënua dita e shkollës dhe u përkujtua …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara