Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i PDK-së, Memli Krasniqi, ka uruar sot të gjithë qytetarët e Kosovës në 13 vjetorin e pavarësisë, pas vizitës për homazhe që bëri në Prekaz së bashku me lidershipin e partisë. “Në këtë datë të shenjtë për të gjithë ne, mendjet dhe zemrat tona janë me familjet e dëshmorëve, me invalidët dhe veteranët e UÇK-së”, ka shkruar Krasniqi. Ai ka thënë se sot e ndjejnë mungesën e themeluesëve të shtetit, kryetarit Hashim Thaçi, kryetarit Kadri Veseli dhe bashkëluftëtarët e tyre që po mbahen në Hagë. “Në këtë përvjetor të 13-të të Pavarësisë së Republikës së Kosovës, e ndjejmë mungesën e themeluesëve të shtetit tonë, Presidentit Thaçi, Kryetarit Veseli dhe të bashkëluftëtarëve të tyre. Duke e ndjekur shembullin e tyre, ne do të vazhdojmë punën për konsolidimin e shtetit dhe për integrumin e Kosovës në struktuat euro-atlantike. Gëzuar Ditën e Pavarësisë së Kosovës të gjithëve”, ka thënë Krasniqi.
