Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse ditë dimri me dëborë dhe ditë pushimi, mijëra qytetarë liridashës nga mbarë vendi janë tubuar në sheshin “Zahir Pajazit”, në Prishtinë, ku kanë marrë pjesë në manifestimin paqësor të organizuar dhe të mbajtur nga partitë Opozitës. Dhjetëra mijëra qytetarë nga të gjitha komunat e Kosovës kanë arritur në Prishtinë ku kanë sjellë qytetarët, të cilët kanë shprehur vullnet dhe obligim qytetarë për të marrë pjesë në këtë manifestim, të organizuar nga partitë opozitare kundër marrëveshjeve që ka nënshkruar Qeveria e Kosovës me Serbinë, në dëm të vendit tonë . Përreth sheshit kryesor të Prishtinës ishin shtuar forcat e Policisë, të cilat kanë qenë në gjendje gatishmërie në rast nevoje për intervenim.Forcat e Policisë janë shtuar dukshëm minutave të fundit, Nuk dihet nëse kanë marrë urdhër për ta arrestuar Albin Kurtin, i cili ju është bashkuar protestuesve.
Deputeti i Vetëvendosje, Albin Kurti, ka folur para masës së tubuar në sheshin “Zahir Pajaziti”, në Prishtinë. Kurti ka thënë se nuk do të pranojnë marrëveshjet e arritura në Bruksel, atë të asociacionit dhe demarkacionit me Malin e Zi. Bashkimi Kombëtarë nuk cenon integritetin evropian, ka nënvizuar Kurti.
